Gas Natural Fenosa - España

Os negocios están a entrar nun período de transformación cara a unha economía baixa en carbono, nun escenario obrigado a rexerse polos alcances da eficiencia enerxética, as tecnoloxías limpas e os mercados de CO₂.

As empresas deben identificar os procesos máis intensivos en enerxía dentro da súa actividade, para executar medidas de mitigación e reducir o seu consumo enerxético.

Para iso, os pasos clave que calquera organización debe considerar para reducir o seu consumo enerxético e aumentar a súa eficiencia son:

1. Dispoñer dun compromiso para reducir o impacto da súa empresa sobre o cambio climático, unha auditoría enerxética e de cuantificación de emisións (decidir que emisións se deben incluír no seu inventario, medir e comparar o seu rendemento).

2. Mellorar a eficiencia operacional. Reducir o consumo de enerxía e as súas emisións require executar operacións da empresa de xeito máis eficiente.

3. Establecer un sistema de medición e avaliación.

4. Definir un plan específico de redución de emisións.

5. Promover a participación dos empregados mediante a comunicación e fomento do aforro de enerxía e a súa consecuente redución de emisións de CO₂ asociado a boas prácticas ambientais no traballo.

En resumo, pode afirmarse que a adopción de modelos de desenvolvemento de alta eficiencia enerxética implica, basicamente, traballar en torno a catro eixes fundamentais:

• Aumentar o aforro e a eficiencia enerxética.
• Aumentar a porcentaxe de uso de enerxías renovables.
• Consolidar a implantación de novas tecnoloxías.
• Promover a innovación nos procesos produtivos.

O papel dos profesionais da área técnica e de mantemento é crucial para abordar este asunto, xa que son eles os que aplican e manteñen o conxunto de instalacións, equipamentos e sistemas das empresas.