Quero ser eficiente enerxeticamente


 

Controla a temperatura

  • Sabías que a metade da enerxía que consumen as familias españolas se destina a quentar a casa?

    Algúns consellos para obter unha temperatura de confort:
     

    Elixe caldeiras de alto rendemento.

    Coloca os radiadores debaixo das ventás para favorecer a difusión do aire polo cuarto. Non tapes nin obstrúas os radiadores para aproveitar ao máximo a calor que emiten.

    Unha temperatura de entre 20 e 22 graos é suficiente para a maioría de persoas. Por cada grao que aumentas a temperatura, increméntase o consumo de enerxía aproximadamente un 7%.

    Un termóstato permíteche adaptar a temperatura da casa segundo as túas necesidades ao longo do día e en calquera época do ano.

    Para ventilar completamente os cuartos é suficiente con abrir as ventás 10 minutos.

    Pecha as persianas e as cortinas pola noite.

Illa correctamente a túa casa.

  • Sabías que con pequenas melloras no illamento podes aforrar ata un 30% en calefacción e aire acondicionado?

    Algúns consellos para ter a túa casa ben illada:

     

    As ventás con dobre cristal ou dobre ventá e carpintarías con rotura de ponte térmica reducen practicamente á metade as perdas de calor e diminúen as correntes de aire, a condensación da auga e a formación de xeada.

    Procura que as caixas das persianas non teñan fendas e estean convenientemente illadas.

    Utiliza silicona ou masillas para tapar fendas e diminuír infiltracións de aire nas portas e ventás.

    Pecha o tiro da cheminea cando non a esteas a utilizar.

Elixe ben os teus electrodomésticos.

  • Sabías que os electrodomésticos están etiquetados segundo a súa eficiencia enerxética?

    Algúns consellos para mellorar a eficiencia enerxética dos teus electrodomésticos:
     

    Os electrodomésticos con etiquetaxe enerxética de clase A son os máis eficientes e poden facerte aforrar moito diñeiro en electricidade durante toda a súa vida útil.

    Frigorífico: elixe frigoríficos "no frost". Non compres un equipo máis grande do que necesites. Non introduzas alimentos quentes e limpa polo menos unha vez ao ano a parte traseira e interior. O xeo e a xeada son illantes e dificultan o arrefriamento no interior.

    Lavadora: aproveita ao máximo a capacidade da túa lavadora, cárgaa ao completo e utiliza programas económicos ou de baixa temperatura. Limpa regularmente o filtro.

    Lavalouzas: elixe o tamaño da túa lavalouza en función das túas necesidades e utilízao cando estea completamente cheo. A media carga, usa os programas curtos ou económicos.

    Forno: non abras innecesariamente o forno, cada vez perde o 20% da calor acumulada. Xeralmente non é necesario prequecer o forno para coccións superiores a unha hora. Apágao un pouco antes de finalizar a cocción: a calor residual será suficiente para rematar o proceso.

Aforra auga

  • Sabías que a auga sanitaria supón o 20% do consumo enerxético no fogar?

    Algúns consellos eficientes para aforrar auga:
     

    É moi importante que os depósitos acumuladores e as canalizacións de distribución de auga quente estean ben illadas.

    Non deixes as billas abertas inutilmente, por exemplo cando te afeitas ou lavas os dentes.

    Evita goteos e fugas. O simple goteo da billa significa unha perda de máis de 250 litros de auga ao ano.

    Utiliza cabezais de ducha de baixo consumo.

    Utiliza redutores de caudal nas billas e, se aínda tes billas independentes para a auga quente e fría, cámbiaos por unha única billa de mestura ou "monomando".

    Cos sistemas de dobre interruptor ou descarga parcial para a cisterna do inodoro aforrarás unha gran cantidade de auga.

    Unha temperatura da auga entre 30 e 35 graos é suficiente para garantir a sensación de comodidade no teu aseo persoal.

Este sitio utiliza cookies propias e de terceiros para personalizar a túa navegación e analizar a túa actividade no web, con obxectivos estatísticos e para mostrar publicidade. Se continúas navegando, consideramos que aceptas o seu uso. Política de cookies